Mauth/Riedering. „Kompliment ihr zwoa, wies ihr uns waidler vertrets… Super!“, „Die zünftigsten seids ihr zwoa!“, „Echte Waidler, ihr zwoa wards gigantisch guad, tolle Stimmung gmocht, wia mas vo enk kennt, mochts weida so, viel Erfolg!“ – die Waidler sind stolz auf Tom und Basti, die Einträge auf deren Facebook-Seite lassen dies mehr als deutlich erkennen. Das Mauther Musikantenduo „rockte“ am vergangenen Sonntag die BR-Sendung „Wirtshausmusikanten“ beim Hirzinger in Riedering (Lkr. Rosenheim). Wir haben mit Basti über die Dreharbeiten, den Auftritt und über die Moderatoren Traudi Siferlinger und Wolfgang Binder gesprochen. Und des Ganze wia sa se ghead: af Boarisch!
Sebastian Hackl (27) und Tom Graf (25) haben sich als „Tom und Basti“ in der Volksmusik-Szene einen Namen gemacht – und sind am vergangenen Sonntag mit ihrem Lied „Wenn Leute Hochdeutsch sprechen“ zu Gast bei den „Wirtshausmusikanten“ im Bayerischen Fernsehen gewesen. Screenshot: YouTube/da Hog’n
„Mia hama Bluad und Wossa g’schwitzt beim Schau“
Tom, Basti: Wos sogt’s ehs zwoa zu enkam Auftritt – had’s z’frin?
Hod scha basst! Mia hama zwar Bluad und Wossa g’schwitzt beim Schau, owa insgesamt hama seah z’frin.
… und wos hamd enkane Fans gsogd?
Des wa da pure Wahnsinn. Mia hama innerhalb vo ana dreiviatl Stund iwa 1.000 Homepage-Zugriffe ghod. Dazua brutal veij Nachricht’n af Facebook – und natirle brutal veij „Gefällt mirs“. Uns hamd Leid g’schrim, de ma scha ewig nimmer gseng hamd – des hod uns narrisch gfreid.
„Wenn Leute Hochdeutsch sprechen“: Tom und Basti beim Hirzinger:
Wia warn d’Drehoawadn ban BR?
Recht gmiatle. Mia hama zua easchdn Stellprob‘ zwoa Dog vorhea hig’foan – do warnd na koane andan Musiker ned do, nur mia und s’ganze Kamerateam. Se hamd uns dann eigentle nua gsogt, wo ma steh oder in wechane Kamera dassma schau soidnd – oda an wechana Steij vom Liad mia uns drah soidnd. Dann hama wieda hoamgfoan, weil ma na afn Freijnga Voixfest mit Hardbeat speijn miasn hamd – am nextn Dog hama wieder Richtung Chiemsee: Dann war de richtig Aufnahm‘.
„Bis dass ma gschaud hamd, war’s a scha wida vobei“
„Es war einfach subba, dass ma iwahaupt mitmocha deafa hamd“, zoing se de zwoa Musikant’n Tom und Basti nochm Auftritt waidlerisch bescheiden.
…und vobei war’s mit da Gmiatlichkeit.
Na. Mia hama a’kema, dann hamds uns easchd moi unsane Instrumente vokawed, hama Middog gess’n und a Interview gmochd. Unsa Betreua hod uns dann o’ghoid, weil ma in d’Maske miasn hamd. Noch da Generalprob und ana Pause is dann loasganga. S’Produktionsteam vom BR hod gschaud, dass des Ganz af oamoi af’gnumma wiad – wichte war ea, dass ma se wia im Wiadshaus benimmt – einfach so, wia wenn koa Kamera do wad. Und des hod aa wunderbar hig’haut. D’Leid warnd subba draf – und bis dass ma gschaud hamd, war’s aa scha wida vobei.
„Wenn wos kimd, wads recht – wenn ned, is aa ned schlimm“
Wos sogs’d zu de Moderatoren Traudi Siferliger und Wolfgang Binder?
De hand voi nett. Mia hama dann na a Hoiwe mit ea drunga, de zwoa hand seah bodenständig. Es wa intressant moi mit soiche Profis zamzumoawadn.
Wos eawoads eng duach den Auftritt?
Eigentle goa nix. Es war einfach subba, dass ma iwahaupt mitmocha deafd hamd. Mia wea ma iatzt ned mit olla Gwoid weida nach obm meng: Wenn wos kimd, wads recht – wenn ned, is aa ned schlimm.
Interview: Helmut Weigerstorfer
_____________________________________________________________
Außerdem verlosen wir 3 x 1 CD „Böhmwind“ von Tom und Basti – Wie kann man gewinnen? Einfach eine E-Mail mit dem Stichwort „Voixmuse“ samt den Kontaktdaten an info@hogn.de. Einsendeschluss ist Montag, 11. November. Und mit ein bisschen Glück gehört die CD Ihnen
